-->

Shah thang dusmon 4 tylli ki kali ka kompani shna surok ha WKH

Date:

Share post:

Shillong, Jylliew 27 : Saw tylli ki kali jong kawei ka kompani ba pynshna ia ka surok na Nongstoin sha Wahkaji kynthup ka Puhshilum, kila shah thang dusmon ha ki briew ki bym lah ban tip satia hynne ka step phyrngap ha West Khasi Hills.

Kine ki kali ki dei jong ka kompani bala tip kum ka Joint Stock Company Industrial Association kaba dei na Nongbah Delhi.

U Project Manager ka kompani Satesh Kumar ula pyntip ba kane ka jingjia kala jia ha ka por 4:15 baje eiei mynstep, ha ka jaka sah jong ki Nongtrei kaba don ha ka shnong Ladweitang.

Kine ki kali ki kynthup ia kawei ka Maruti Gypsy, kawei ka Boler Pickup, bad kawei ka Mahindra XUV.

La iathuh ba nalor kitei ki lai tylli ki kali, ki runar kila thang dusmon ruh ia kawei ka kali puhshilum jongka kompani kaba pynieng ha ka shnong Mawthungkper. Kane ka jingjia ruh kala jia hynne ka step phyrngap.

U Satish u iathuh ba ki Nongtrei kila iohi ia kane ka jingshah wiang ding ki kali bad mar mar kila iamih paidbah ban tem ia ka ding. Ha kane ka jingjia ym shym la don satia kano kano ka jingmynsaw ki briew.

Share post:

-->
spot_img

Popular

More like this
Related

Wer ka Seng Khasi ia ki paidbah sha ka jingrakhe Seng Kut Snem kaba 127

Shillong, Naiwieng 20 : Ka Seng Khasi Kmie, Shillong...

Kyntait u CM ba pynbor ia ka railway project | Ka Sorkar kan iaid ryngkat ka mon u paidbah

Shillong, Naiwieng 20 : U Myntri Rangbah Conrad K...

SSA Champions Cup | Rung ka Shillong Lajong sha ka semifinal | Hap iakhun dohiap ban pynliem ia ka Mawkhar

Shillong, Naiwieng 20: Ka Shillong Lajong FC ka la...

Kob ka HYC ia u CM ban pynshisha ia ka jingkam siew tulop ba T.4.5 lak, dawa panmap na ki nonghikai

Shillong, Naiwieng 20: Ka Hynñiewtrep Youths’ Council (HYC) kala...