Nongpoh, Jylliew 27 : Iwei i Heprit ba dang pule klas IX na Ri-Bhoi District, ila ioh ia ka jinghikai ban shna rocket na ka Young Scientist Program bala pyniaid dang shen da ka Indian Space Research Organisation (ISRO) ha North Eastern Space Application Centre (NESAC), Umiam, Ri-Bhoi District.
Ine I Heprit I kyrteng I Nafisabeth D Syiemlieh, khun u Bah Werson Diengdoh bad kong Pranty Mary Syiemlieh kiba dei na Byrwa, Ri-Bhoi. Ine I Heprit i dang pule klas IX ha ka skul Byrwa RMSA Secondary School. Ine I Heprit ila shah khot sha ka Young Scientist Program hadien ba ila pass ia ka examin YUVIKA.
Ka Ophis jong ka District School Education Officer (DSEO) Ri-Bhoi, ha ka 26 tarik Jylliew, kala pynkup burom ia ine I Heprit halor ka jinglah jong I ban poi shaduh kane ka kyrdan.
I Nafisabeth ila ai khublei ia ka Bharti Foundation kaba long kum ka nonglamkhmat ban batai shaphang ka YUVIKA Program.
I Nafisabeth i pyntip ba ila shah jied sha kane ka prokram hadien ba ila jop ia ka online quiz kaba la iashimbynta da palat 2 lak ngut ki khynnah skul na kylleng ka Ri, ban leit kum ki Youngest Scientist ha ka YUVIKA prokram jong ka ISRO, kaba hikai ban shna rocket.
Watla ine i Heprit ila pynpaw ba im don jingthmu satia ban long kum ka scientist, hynrei ila pynpaw pat ba i don ka jing sngewtynnad ia ka science bad angnud eh ban long kum ka Ophisar IAS.
Ka DSEO Kong Paidalyne L Nonglait, kala ai khublei ia ine i Heprit bad kumjuh ruh ia ki Nonghikai ka Byrwa RMSA Sec School kaba la sei ia ine I heprit ban leit mihkhmat kum ka Youngest Scientist ka ISRO.
 ha North Eastern Space Application Centre (NESAC), Umiam, Ri-Bhoi District.){kind=link}