Shillong, Jylliew 25: U Myntri ka pule puthi u Rakkam A Sangma hynne ka sngi Baar ula kyntu ia u MDC ka BJP na Tura u Bernard N Marak ban ting ne ‘adopt’ ia katto katne ki skul hapoh ka Rongara-Siju constituency na ka bynta ban shna pynbha bad ban tei thymmai ia ki iing skul na ka skhim MDC.
“Namar ba u (Bernard) ula wan ha ka constituency jong nga, nga ngan kmen bha lada u lah ban ting ia katto katne tylli ki skul ha ka jaka jong nga namar ba ki don da ki spah tylli ki skul (ki bym don ia ka iing skul )” ong u Sangma haba iakren bad ki nongthoh khubor.
Ula kren ia katei kum ka jingpynphai nia kylla iaka jingkynthoh u Bernard uba la ong ba ki bun ki skul hapoh ka constituency jong u Myntri ka pule puthi kidei kiba la sniew bha bad kim don ia ki iingskul kiba biang.
U Rakkam Sangma ula pyntip ba ka sorkar kala leh bun ki kam ha kaban maramot bad shna pynbha bad ban tei ia ki iing skul kiba thymmai ha kine ki 5 snem kiba la dep.
“Ngin bteng ban leh ia kane bad ngin ym iehnoh shiteng bad ngin ialeh ban pyndep ia katei ka kam” ula ong.
“Ngi la kyntu ia baroh 60 ngut ki MLA ban ting lang ia ki skul na ka bynta ban maramot ne tei ia ki iingskul na ka bhah skhim MLA bad nga kyrpad ruh ia u para jong nga u Bernard, ban pynlut lang na ka bhah pisa MDC ban tei ia katto katne ki skul ha West Garo Hills,” ong u Myntri.
U Rakkam ula ong ba ula tei bun tylli ki skul na ka MLA scheme ka jong u bad yn iai bteng ban leh ia katei ka kam.
 ula wan ha ka constituency jong nga, nga ngan kmen bha lada u lah ban ting ia katto katne tylli ki skul ha ka jaka jong nga namar ba ki don da ki spah tylli ki skul (ki bym don ia ka iing skul )” ong u Sangma haba iakren bad ki nongthoh khubor.){kind=link}