New Delhi, Jylliew 14 : Namar ka jingjur u slap ba kiba bun ki bynta ka Jylla Meghalaya, ka Indian Meteorological Department (IMD) kala pynmih ia ka jingmaham ba ka lah ban don ka jingshlei um bad poi umsaw jong ki wah ha ki bynta ka thain Shathie Mihngi ha ka sngi Thohdieng, ka 14 tarik Jylliew.
Ha ka kyrwoh bala pyllait da ka Flash Flood Guidance Cell ka IMD Hydromet Division, ka Cell ka ong ba ka jingshlei um ka lah ban jia ha ki katto katne ki jaka jong ka East Khasi Hills, West Khasi Hills bad Jaintia Hills ha Meghalaya.
Nalor ka Meghalaya, ka Jylla Assam ruh ka lah ban mad ia kajuh ka jingma na ka jingshlei um ha ka thain Baksa, Barpeta, Bongaigaon, Cachar, Chirang, Darrang, Hailakandi, Jorhat, Kamrup Metro, Kamrup Rural, Kokrajhar, Golaghat, Lakhimpur, N.C. Hills, Nalbari, bad Udalguri district.
