Shillong, Jymmang 31 : Ka kynhun State Disaster Relief Force (SDRF) kala ioh ban tam ia baroh saw tylli ki met jong ki briew kiba shah ban ha ka khyndew kaba twa ha ka shnong Nongpriang, East Khasi Hills, hynne ka janmiet.
Kat kum ka jingpyntip ka Tnad Disaster Management, ka kynhun SDRF kala ioh tam shuwa ia kawei ka met hynne ka step bad mynta ka janmiet kala lap biang sa ia artylli ki met.
Hynnin ka sngi, ka kynhun kala ioh tam nyngkong ia ka met u Bah Phisar Nongrum bala 75 snem ka rta bad hynne ka step ia u samla Lumlang Riahtam ba 16 snem ka rta.
La iathuh ba mynta ka janmiet pat la ioh biang ban tam sa ia u Bah Kynmaw Syngai ba 70 snem bad ka kong Benti Riahtam ba 60 snem ka rta.
U Deputy Commissioner ka East Khasi Hills, SC Sadhu ula pynbna ia ka jingiarap song pisa ba mar T. 4 lak sha ki bahaiing jong kine ki lanot.
 kala ioh ban tam ia baroh saw tylli ki met jong ki briew kiba shah ban ha ka khyndew kaba twa ha ka shnong Nongpriang, East Khasi Hills, hynne ka janmiet.){kind=link}