Shillong, Jymmang 31: U Myntri ka Tnad Revenue and Disaster Management Bah Kyrmen Shylla, un hiar leit jngoh lashai ka sngi sha shnong Nongpriang ban peit ia ka rukom iaid ki jingwad ia ki arngut ki briew ki ba dang jah rngai ha ka jingtwa khyndew.
Haba iakren badki nongthoh khubor, u Bah Kyrmen ula ong ba haduh 5 ngut ki briew kila iap na ki jingjia twa khyndew ha shnong Sutnga bad ka Nongpriang.
Napdeng kine, lain gut la pynthikna ba kila iap bad la dep ithuh ruh ia ki kum u Ohi Nongtdu ba na Pohwailong Stunga, Phisar Nongrum ba 75 snem bad Lumlang Riahtam ba 16 snem na Nongpriang.
Ka metjong u Bah Kynmaw Syngkai (70) bad Benti Riangtam (60) na Nongriang ki dei kiba dang jah bad pat lapdien satia, ula ong.
“Kumta, ngi don jingmut ban hiar lashai ka sngi sha Nongpriang. Ngin pyrshang ban wad ia ki lad ki lynti ban kyrshan ia ki bahaiing hasem bad ban aiti ruh ia ka cheque ba mar T. 4 lak sha ki bahaiing jong kine ki lanot” ong u Myntri haba pynpaw ia ka jingsngewlem ia kine ki longiing.
Haba ai jingkhein ia ki jingpynjulor jong u lapbah kat haduh ka por 1 baje jong ka sngi Thohdieng, u Myntri ula pyntip ba ka jingdon jong ki shnong kiba shah ktah ha East Khasi Hills kala kot 67 tylli, East Jaintia Hills-45, Ri Bhoi – 19, Eastern West Khasi Hills – 23, South West Khasi Hills – 29, South West Garo Hills – 21, West Garo Hills – 139 and East Garo Hills 92, North Garo Hills – 105, West Khasi Hills – 11, West Jaintia Hills – 7.
U iathuh ba ia ka South Garo Hills, ka jinglum jingkhein ka dang iaid shaid shaid. “Ngi la dep bthah ia u Deputy Commissioner ka South Garo Hills ban phah ia ki jingtip sha nga bad kin sa pyrshang ban pynsted ia ka kam”.
Ki Iing kiba shah pynjulor ha EKH ki long 54, EJH – 46, Ri Bhoi – 18, EWKH – 25, SWKH- 266, SWGH – 58, WGH – 368, EGH – 341, NGH – 434, WKH – 12, WJH- 1, SGH – dang khein.
Ki jingtei kiba shah pynjulor ha EKH ki long 41 tylli, 40 – EJH, Ri Bhoi – 2, EWKH – 18, SWKH – 25, SWGH – 2, WGH – 34, EGH – 16, NGH – 9, WKH – 1, WJH – 3.
