Shillong, Jymmang 30 :Saw ngut ki briew la suba ba kila iap na ka jingtwa khyndew ha kawei ka shnong jong ka East Khasi Hills District.
Kane ka jingjia kala jia ha ka shnong Nongpriang kaba hap hapoh ka Sohra Civil Sub-Division, ong ki Pulit.
La suba ba kine ki 4 ngut ki briew kila shah tap lup ha ka khyndew kaba twa bad leit rat ia ka iing ba ki sah.
Ka kynhun ai jingiarap kila hiar mar mar sha katei ka jaka ban wad ia ki briew kiba dang im.
Ka khubor ka iathuh ba napdeng kine ki briew, arngut ki dei kiba la tynmen bad uwei u dei u khynnah ba dang 16 snem ka rta.
Kine kiba iap ki briew ki kyrteng u Bah Phisar Nongrum ba 75 snem, Bah Kynmaw Syngai ba 70 snem, Kong Benti Riahtam ba 60 snem bad u samla Lumlang Riahtam ba 16 snem.
La iathuh ba u Rangbah Kynmaw Syngai, kong Benti Riahtam bad Lumpang Riahtam ki dei na kajuh ka longiing.
