Shillong, Jymmang 28 : Ka Sorkar Jylla kala pynkhreh shaid shaid ia ki jingdonkam ban pynioh noh ia ka jingithuh ia ka Captain Williamson Sangma State University na ka University Grant Commission (UGC).
U Myntri ka Tnad Pule Puthi Rakkam A Sangma ula pynbna ba hadien bala ioh ia ka jingithuh, ka Sorkar kan sa sdang ban khot pyniasoh ia ki college bapher bapher ka Jylla sha ka University.
Kane ka sienjam kan pynaram ruh ia ki samla pule na ki jingeh ba ki mad haba iadei bad ka jinghap iakhun ia ka eksam Central University Entrance Test (CUET).
Ki samla Pule kiba jied ia ki college kiba iasoh bad ki State University, kin ym donkam shuh ban iakhun ia ka CUET.
){kind=link}