Nongpoh, Jymmang 24 : Ka skul Little Star higher secondary school, kaba don ha ka shnong Baridua Ribhoi District, kala tyngshain marwei napdeng ki skul ba paw ka Them Ri-Bhoi ha ka eksam Secondary School Leaving Certificate (SSLC) ba dang shu pynbna result hynne ka sngi.
Kane ka skul kala paw kyrteng ha ka Top 20 jong ka result lyngba une u khynnah skul u Krishna Koirala uba la wan ha ka kyrdan kaba 17 napdeng ki Top 20. Une u khynnah ula ioh distinction haduh 4 tylli ki sobjek.
U Krishna Koirala u dei u khun jong u Bishnu Koirala ba shong ba sah ha 9 mer Baridua Ribhoi district. U dei ruh u la ioh ia ka kyrdan ba nyngkong haka Meghalaya Chemistry Ollympiad bala pyniaid da ka USTM ha u snem 2022.
Une u khynnah u la pynpaw iaka jing sngew nguh ka ba khraw iaki nongki nonghikai jong u bad kum juh ia u Principal bad ka Headmistress jong kane ka skul halor kane ka jingjop jong u.
U Krishna ula buh ka jingkyrpad ia ki para khynnah skul ki ban dang iakhun ia kane ka eksam, ba ki dei ban minot thop haka jingpule bad ban dei ban klet shuwa iaki jing sngewbha pyrthei lada phi kwah ban kiew haka jing pule ka jong ki bad ban ioh kheit ia u soh bathiang.
U Principal B.N. Sharma bad ka headmistress ka Mina Sharma ki la pynpaw ka jingkmen kaba khraw ba ka skul jong ki ka la paw biang haka list jong ki top 20 bad kila leh burom ia u Khrishna uba la wanrah nam bad burom ia ka skul.
Ha kajuh ka por, kila ai ka jingiaroh iaki nong hikai ki ba la trei shitom ban pynthikna ba ki Khynnah skul kin pass bha ha kane ka eksam bala dep.
