Shillong, Jymmang 02: Arngut ki nongkiew lum ka Jylla, kila shah jied ha ka Tnad Sports & Youth Affairs ka Jylla ba kin leit iashimbynta ha ka jinghikai pyntbit ba kin long ki Instructor ia kaba la tip kum ka Methods of Instruction (MOI).
Kane ka prokram ia jinghikai ka dei kaban long hapoh ka Himalayan Mountaineering
Institute, kaba don ha Darjeeling, naduh ka 2 tarik Jymmang haduh ka 25 tarik Jymmang.
Kine ki arngut ki dei u samla Teimiki Sungoh bad I samla Valarie Suchiang kiba dei na Shangpung, West Jaintia Hills.
Ia kane la pyntip da ka President ka Meghalaya Sports Climbing and Mountaineering Association (MeSCMA) kong Malviancy Shabong.
La ong ba ka MOI ka dei ka training course kaba eh bha bad kaba pynkhreh ia ki nongshah hikai ba kin long ki Instructor ha ka jinghikai kiewlum.
La ong ba ka jinghikai bad ka jingbatai kan kynthup ia ka lecture, demo bad practice ha ki lain bapher bapher ba kynthup ia ka Registration & Rope Distribution, Physical Training, Rock Craft, Acclimatization, Snow Craft, Ice Craft, Height Gain & Survival Night, Theory, Written Test, Project & Diary Writing.
.){kind=link}