Jowai, Iaiong 28 : Ka lehniam Behdeinkhlam ba shisien shisnem jong ka Raij Chyrmang kala kut noh hynne ka sngi U Blei ha Aitnar, Chyrmang, West Jaintia Hills.
Ia kane ka lehniam la wan ban pynshongkun da u MLA ka Amlarem Bah Lahkmen Rymbui kum u kongsan.
Ka lehniam Behdeinkhlam ka Raij Chyrmang ka dei kaba ju pynlong manla u snem shuwa ka aiom bet bad ki riewngeit Niamtre jong ka Raid, kin pynkhreh ban leit niom noh sha ki lyngkha rep hadien ba kut kane ka lehniam.
Mynta u snem, naduh ka 16 tarik Iaiong la pynlong ia ki lehniam bapher bapher kum shibynta jong ka Behdeinkhlam.
Haduh 7 tylli ki rot bala pynwandur ha ki rup ki rong bapher bapher, la wanrah sha ka Aitnar kum shibynta jong ka lehniam.
U Bah Lahkmen haba ai jingkren, ula pynpaw ia ka jingsngewnguh ia u Blei Nongbuh Nongthaw uba la btin lynti ia iwei pa iwei tad haduh kane ka sngi kut jong ka lehniam bad duwai ia ka jingkyrkhu ban theh sha baroh ki nongshongshnong jong ka Raij.
