Shillong, Iaiong 10 : Uwei u Nongtrei monsngewbha na Nongkrem, ula ujor sha ka Election Commission of India (ECI) bad dawa ia ka Commission ban pynshitom da kaba tyngeh ia ka Voice of the People Party (VPP) namar ka jingbym lah tehlakam ia ki nongkyrshan kiba leit pynthut ia ki jingialang ialap elekshon ka National People’s Party (NPP).
Une u nongtrei monsngewbha u dei u Bah Joannes JTL Lamare, uba la phah da ka shithi ujor sha u Chief Election Commissioner ka Ri India, myn ha ka 9 tarik Iaiong.
Ha kane ka shithi ujor, u Joannes ula iathuh ba ha ka 8 tarik Iaiong, ki don artylli ki jingjia kiba la jia ha ka jingialang ialap elekshon jong ka National People’s Party (NPP) kaba long ha Umsning bad ha Jaiaw.
U pyntip ba ha kine ki artylli ki jingialang, ki briew bad ki nongkyrshan jong ka VPP kila leit ban pynthut ia kine ki jingialang ka NPP haduh ba ka NPP kala hap ban pynsangeh noh shiteng por ia ka jingialang ha Jaiaw.
Ula ong ba kum kine ki jingjia ki dei ki bym sngewtynnad satia bad la donkam ia ka Ophis u Chief Election Commissioner ba kan leh eiei bad pynshitom da kaba tyngeh ia ka VPP namar ka jingbym lah ban tehlakam iala ki nongkyrshan.
 bad dawa ia ka Commission ban pynshitom da kaba tyngeh ia ka Voice of the People Party (VPP) namar ka jingbym lah tehlakam ia ki nongkyrshan kiba leit pynthut ia ki jingialang ialap elekshon ka National People’s Party (NPP).){kind=link}