Dibrugarah, Iaiong 09: U Nongialam ka BJP bad Myntri ka Sorkar Pdeng Sarbananda Sonowal ula kynnoh ba ka Congress ha ka jingiaid ialap elekshon jong ka Lok Sabha ban wan, kala bet ia u symbai ban phiah ia ki nongshongshnong da ka jing sngew iapher niam
U Sonowal ula kynnoh ba kine ki kam ka congress kila paw na ka jingialang paidbah kaba long ha Dhariya, Tengakhat bad Gandhi Phukanbari kiba hap hapoh ka Duliajan LAC.
Haba kren hapoh ka jingialang ba long ha Nigam Paanch Ali, Oufulia Tea Estate bad Kushal Nagar kiba hap ha Tingkhang LAC hynnin ka sngi ba-ar, ula ong ba ki paidbah kila mad ia ka jingsohsat ha kine ki hynriew phew snem bala leit namar ka jingsynshar bym hok jong ka Sorkar Congress.
Ia u Sonowal la synran da u Myntri Khynnah kaSorkar Pdeng ba khmih ia ka Petroleum and Natural Gas, Rameswas Teli, u MLA ka Duliajan Terosh Gowala, u MLA ka Tingkhong bad Myntri Sokrar Bimal Borah bad kiwei kiwei.
Haba kren ha ka jingialang u, Sonowal ula ong “Ka Sorkar NDA ba ialam da u Myntri Rangbah Duh Narendra Modi kala treikam khlem shongthait ban kyntiew ia baroh ki dkhot ka imlang sahlang bad ban kyntiew ia ka rukom im jong ki. Ka Sorkar jong ngi kala iaid palat ia u pud jong ka ‘Garibi Hatao’ bad iarap ia palat 25 klur ngut ki briew ba kin lait na ki jingduk ha kine ki 10 snem bala leit”.
Kumba kynnoh da ka Congress, u Sononal ula ong baka Sorkar NDA kala ai ka synshar khadar ba kynthup ia baroh bad kaba kyntiew ia ka imlang sahlang. Ula ong baka Congress kala bet ia u symbai ban phiah ia ki nongshongshnong da ka jingsngew iapher niam. U ong ba kane ka dei kaba ktah jur ia ka kam sain hima sima bad ka riti synshar jong ka Ri.
