Shillong, Lber 30 : Ka Federation of Khasi Jaintia & Garo People (FKJGP) kala mahan jur ia u Gopal Dey, uba kam ialade kum u General Secretary ka Coordination and Welfare Committee (CWC) ka Shella –Bholaganj, halor ka jingkynnoh ia ka KSU ba shah bom iap ki arngut ki bar jylla ha Ichamati.
“Ka FKJGP ka maham jur ia u Gopal Dey ba um dei ban kynnoh ia ka seng KSU halor ka jingshah pyniap arngut ki barjylla ha Ichamati. Kane ka kam dei ka jong u hynrei kadei ka kam jong ki puilit ban wad ka ia jingshisha” ong u General Secretary ka FKJGP Bah Eldie Newton Lyngdoh.
Kat kum ka jingong jong u, ki pulit haduh mynta kim pat lap mano kita ki briew ba pyniap ia u dkhot ka KSU u Lurshai Hynniewta ne ia uta u pulit ba siat iap ia u bah Cheristerfield Thangkhiew.
“Ngi kwah ban buh jingkylli ruh shaei u jah une u briew haka por ba shah pyniap u Lurshai Hynniewta” ula ong haba bynrap “ Haba mynta u dawa ban kem mardor ia kita ki briew ba donkti ban pyniap ia kine ki bar jylla, u la dei ban dawa ruh ban kem mardor ia kito ki riew thrang snam ba pyniap ia u Bah Lurshai”.
Kum ka seng ngi maham ruh ba u Gopal Dey um dei ba ai ding halor ka jingjia ha Ichamati.
U Bah Eldie ula ong ba lada une u briew u dang iai bteng ban pynshit, ka seng FKJGP kan mih paidbah haka 7 tarik u Iaiong ka sngi ba kine ki poi-ei, hapoh ka shatri ka Meghalaya Linguistic Minority Development Forum (MLMDF) ki mut ban shong kyllain mongor ha Khyndailad.
“Kyntang iawai Lada ka Sorkar ka sngap ia ki poi-ei, ka mut ka sur ka paid ka bri U Hynñiewtrep ka la shah taplup noh. Bad ban pynim biang ngin shim da ki sienjam kiba tyngeh” ula ong.
