Shillong, Lber 11 : U Lat ka jylla Meghalaya ula ai ia ka jingmynjur ban thaw ia ka Chief Minister’s Research Grant (CMRG) na ka bynta ban phah leh ia ka Research ne jingwad bniah kaba paka bha.
Ka jingphah leh Research kadei ban iaid ryngkat bad ka jingiaid ki kam pynroi ha ka jylla kiba mynta (State’s current development initiatives).
Ki dkhot kane ka Committee ki kynthup ia u Commissioner & Secretary ka Tnad Arts and Culture kum u Chairperson, u Secretary ka Tnad Arts and Culture kum u Member, ki Adviser kiba kynthup ia u Prof. David R. Syiemlieh (Research), Prof. Milton S. Sangma, (Research) bad Dr. Charles Reuben Lyngdoh (Academic) bad u Director ka tnad Arts and Culture kum u Member Secretary.
Ki dkhot ki kynthup ia u Professor, NEHU, Associate Professor, NEHU, Associate Professor ka NEHU Tura Campus, Principal/Vice Principal na ki College kiba paw bad ki Co-opted Members.
Ka CMRG Committee ka lah ban kynthup shuh ia ki dkhot kiba la tbit ha ki liang ki bapher bapher haba ka donkam bad mynjur ruh ia ka Honorarium/Sitting Fees lah ban ai ka jingtyrwa na ka bynta ki Co-Opted members.
Ka Committee kan shah pynkhamti ia ka kam ban pyniaid ia ka CMRG bad kan kynthup ia ka jingkhot aplikeshon, ka jingkhmh ia ki aplikeshon, ban jied ia ki nongaplai, ban khmih bniah ia ka jingiaid jong ka Research kaba la leh da kiba la ioh pdiang, ban ai jingmynjur ban pyllait ia ka pisa sha ki nongioh ban leh Research bad ban khmih bad ban ai jingmynjur ia ka jingai ia ki Research Project kiba pura.
 na ka bynta ban phah leh ia ka Research ne jingwad bniah kaba paka bha.){kind=link}