Shillong, Lber 11: Ka North East Sports Association (NESA) kala kyrpad ia ka Sorkar Tripura bad ki bor khmih ia ki kam ialehkai, ba kin phah ia ki kynhun ialehkai ka Jylla ba kin wan iashimbynta ha ka 3rd North East Games 2024 ka long ha Jylla Nagaland.
Ka NESO hapoh ka jingialam u Bah John F Kharshiing, kala iakynduh ia u Myntri Rangbah ka Tripura Prof Manik Saha, u Myntri ka Tnad ialehkai Tinku Roy lem bad ka Tripura State Olympics Aasociation ban iakren halor kane ka kam.
Lah ban kdew hangne ba ka 3rd North East Games 2024 kan long ha Nagaland naduh ka 18 tarik Lber haduh ka 23 tarik u Lber 2024.
Ka NESA kala phah ia ka kynhun ba ialam u Bah John Kharshiing, sha Tripura namar ka jingmih ki artylli ki kynhun ha kane ka Jylla kiba iaknieh ban phah ia ki nongialehkai sha kane ka lympung ka ban long ha Nagaland.
U Bah Kharshiing ula pyntip ba ka NESA kala ioh ban iasyllok bad ki bor sorkar bad ki bor pyniaid ia ki kynhun ialehkai bapher bapher ban wanrah ka jingiabeit ha kaban phah ia ki kyrteng jong ki nongialehkai na ka jylla Tripura.
 kala kyrpad ia ka Sorkar Tripura bad ki bor khmih ia ki kam ialehkai, ba kin phah ia ki kynhun ialehkai ka Jylla ba kin wan iashimbynta ha ka 3rd North East Games 2024 ka long ha Jylla Nagaland.){kind=link}