Shillong, Lber 05 : Ki Pulit ka East Khasi Hills, hynne ka sngi Ba-ar, kila ioh tam ia ka metiap jong u rangbah nakhrum jong ka jingkieng rim ba satang ka shynrong ha ka wah Umshyrpi.
Kane ka met ka dei jong u Bah Kynsailin Kharphanbuh, uba shong ba sah ha ka shnong Lummawbah.
Kat kum ka jingiathuh ki Pulit, une u rangbah ula jah rngai naduh ka 1 tarik u Lber mynta u snem bad ki bahaiing hasem kila pyrshang ban wad ia u naduh ka sngi kaba u jah bad kila leit wad ruh ha kylleng ki jaka ba ju leit u wan.
Ki ong ba dei hynne ka sngi, ki bahaiing kila ioh jingtip ia ka jinglap ia kawei ka metiap hakhrum jong ka jingkieng Umshyrpi bad ha ka jingleit jngoh, kila pynthikna ba u dei u bah Kynsailin.
Ka kynhun ka SDRF kala hiar sha kane ka jaka bad kila sei noh ia ka met ban pynkit sha Civil Hospital na ka bynta ban pyndep ia ka post mortem.
