Shillong Lber 05: U Superintendent of Police jong ka East Khasi Hills hynne ka sngi Baar, ula pynbna ban khang iaid ia ki kali heh sha Sohra bad Mawphlang ha ka 8,9 bad 10 tarik mynta u Bnai.
Katkum ka jingpynbna, u SP ka EKHD ula pynpaw ba kane ka jingkhang ia ki kali heh kan treikam naduh ka por 6 baje mynstep haduh 11 baje mynmiet.
Ula ong ba kane ka jingkhang ban iaid ki kali heh kadei namar ba kan don ka Monolith Festival ha Mawphlang ha ka 7, 8 bad 9 tarik u Lber bad kan don ruh ka 22nd Annual General Meeting jong ka KJP Synod Sepngi ha ka 10 tarik u Lber ha Laitryngew, Sohra.
Namar ba ki don kitei ki prokram ia kaba la khmih lynti ba bun bah ki briew bad ki kali kin poi na kylleng ki District, kumta la pyrkhing ban iaid ki kali heh ne Heavy Vehicle ban leit sha Sohra bad Mawphlang bad kan mih ruh ka
Hynrei la shah pat ban iaid tang ia ki kali kiba donkam kyrkieh ne ki Emergency Service Vehicles.
