Shillong Rymphang 29: Ka Myntri ka Koit ka Khiah ka jylla ka Dr Mazel Ampareen Lyngdoh hynne ka sngi Palei kala plie ia ka Urban Health & Wellness Centre ha Mawlai Mawdatbaki, Shillong.
Ha kane ka jingplie ia kane ka jaka sumar la iadonlang u MLA ka Mawlai u Bah Brightstarwell Marbaniang, ka Deputy Commissioner jong ka East Khasi Hills District ka Kong R.M. Kurbah, u MDC ka Mawlai Bah Teiborlang Pathaw bad ki heh ophisar jong ka tnad ka koit ka khiah.
Haba kren ha ka jingialang ka Kong Ampareen kala ong ba ka jingplie ia kane ka jaka ai jingsumar ka long ban pynthikna ba ki nongshong shnong ha ka thaiñ ki ioh ia kajngsumar bad kala banjur ia ka jingdonkam ban treikam bha ka Telemedicine kaban long ka jingiarap ia ki paidbah ba kin ioh ia ki jingtip shaphang ka koit ka khiah ka jongki bad ruh ban ioh ia ka jingiarap.
Ka Myntri kala pynshlur ia ki paidbah ba kidei ban shimkabu ia ka jingdon kane ka jaka sumar ban iakynduh ia ki doctor haba ki donkam ia ka jingiasyllok, khamtam ha ki bynta kaba iadei abd kajingpyndonakm ia ki jingdih kiba sniew bad kala pynshlur ruh ia ki paidbah ba kidei ban leit pan jingiarap na ka bynta ka koit ka khiah ka jongki ha baroh ki liang.
Katba ka Kong R.M Kurbah kala ai khublei ia ki paidbah bad ia ki bor pyniaid jong ka jaka sumar halor ka jingioh ia ka jaka sumar kaba thymmai bad kala kyntu ia kipaidbah ba kin ai ka jingiatreilang bad kane ka Centre na ka bynta ban pynbha shuh shuh ia ka rukom ai jingshakri.
Kane ka Urban Health & Wellness Centre kan ai jingshakri ia ki 8 tylli ki shnong ha kaba kan pynleit jingmut bha ha kaba iadei bad ki longkmie kiba punkhun, kandon ruh ka jingkhmih bniah ha kaba iadei bad ka jingpang Cancer, ka jingai dawai tika, ka jingthew ia ka Blood Pressure, ka Tele Consultation bad kiwei kiwei.
Ha kane ka prokram la iadonlang lang ki Rangbah Shnong, ki Nongialam Shnong, ki ASHA, doctor, nurse bad ki paid nongshong shnong.
