Agartala, Rymphang 27: Hadien ka kynrum kynram ba ai kyrteng iaka sing kynthei daka ‘Sita’ bad ia u sing shynrang (Lion) da u ‘Akbar’, u Principal Chief Conservator ka tnat Forests (Wildlife and Ecotourism) ka Jylla Tripura u Prabin Lal Agarwal u la shah wengkam shipor ha ryngkat ka jingkynnoh ba u la ialam bakla iaka Sorkar Jylla.
U la ialam bakla iaka kynhun myntri Sorkar halor ka jingai kyrteng iaki sing daka Sita bad Akbar.
Kum shi bynta ban pyntreikam iaka Animal Exchange Programme bad ban bud ryntih iaka jingbthah ka Central Zoo Authority (CZA), shijur ki Royal Bengal Tiger, shijur ki leopards, 4 tylli ki golden pheasants, 4 tylli ki silver pheasants, 2 tylli ki peafowls bad 4 tylli ki hill mynas kila wan poi ha Sepahijala Wildlife Sanctuary Tripura bad shwa kane na North Bengal zoo West Bengal’s Siliguri.
Ka Calcutta High Court’s Circuit Bench ha Jalpaiguri kala pynmih hukum ba ym dei ban jer kyrteng iaki mrad daka kyrteng Blei lane haka kyrteng ki riew pawnam hadien baka Vishwa Hindu Parishad (VHP) na West Bengal kala ujor sha Iingkashari halor ka jingkyrteng iaki sing shijur da ka ‘Sita’ bad ‘Akbar’.
Kane ka hukum wengkam shipor jong ka Sorkar Tripura kala kdew ruh ba kan don ka disciplinary proceedings pyrshah ia u Agrawal katba dang iaid.
