Shillong Rymphang 24: Ka Meghalaya State Olympic Association (MSOA) kala shong jingialang ha ka sngi Thohdieng ban shong pyrkhat ha kaba iadei bad ka jingpynkhreh ban phah ia ki kynhun ialehkai ban leit iashimbynta ha ka 3rd North East Olympics Games 2024 kaban long ha Nagaland naduh ka 18 haduh ka 23 tarik u Lber.
Ia katei ka jingialang la pyniaid da u Working President ka MSOA u Bah John F Kharshiing ha ka jingdonlang u General Secretary ka MSOA Bah Finely L Pariat, ki nongmihkhmat na ki Synjuk ialehkai bapher bapher.
U Bah Finely ula pyntip ba ha katei ka jingialang, ka MSOA kala iatai sani bha halor ki 16 tylli ki jingialehkai kiban pynlong haka NEOG bad kila rai ban phah iashimbynta ia ki nongialehkai hajan baroh ki jingialehkai lyngba ka jingkyrshan jong ka tnad Sports and Youth Affairs jongka jylla.
Ula iathuh ba ka MSOA kan leit ban iakren bad ki heh jong ka tnad Sports and Youth Affairs hadien ba la kut ka Dorbar Mang Tyngka jong ka jylla ban pan ia ka jingkyrshan mang tyngka ban ioh phah ia ki nongialehkai ka jylla Meghalaya ban iashimbynta ha ka 3rd NEOG ha Nagaland.
 kala shong jingialang ha ka sngi Thohdieng ban shong pyrkhat ha kaba iadei bad ka jingpynkhreh ban phah ia ki kynhun ialehkai ban leit iashimbynta ha ka 3rd North East Olympics Games 2024 kaban long ha Nagaland naduh ka 18 haduh ka 23 tarik u Lber.){kind=link}