Shillong, Rymphang 23 : U Myntri Rangbah ka Jylla Conrad K Sangma hynne ka sngi Thohdieng, ula pyntip ha Iingdorbar ba haduh mynta, tang kawei ka case benami lah ioh bat hapoh ka Jylla.
Haba jubab ia ka jingkylli u MLA ka VPP na Nongkrem, u Conrad ula ong b aka jingtohkit kala iaid halor ka jingujor bala ioh pdiang.
Kat kum ka jingong jong u, nalor kane kawei ka case, ym don satia satia kano kano ka jingujor ba wan na kino kino ki briew.
U Conrad ula pyntip ruh ba ka Sorkar kan sa thung ia ka Committee hadien bala dep thaw ia ka Rules kat kum ka Benami Transaction Act, 2018.
“Ka rule kala dep namar ka jingiasyllok bad ka Tnad kala dep bad shen yn sa pynmih ia kane ka rule” ula bynrap.
U iathuh ba ia ki jingujor lah ban mudui hakhmat u First Class Magistrate lane ha u Superintendent of Police ki District.
U MLA ka Congress na Gambegre Saleng A Sangma ula ong ba wat ia ka jingrung kyrthep ki bar jylla ruh lah ban tehlakam lada pyntreikam thikna bha ia kane ka ain.
Ula kren ruh halor ki jingkhynra jong ka KHADC ha kaba ki paid Khasi hi la iohi ba kila iada ia ki bar jylla (nongkhaii).
