Aizawl, Rymphang 23 : Ki Pulit kila iohkem ia lai ngut ki nongkhaii droks kynthup kawei ka kynthei na Champai District ka Mizoram bad ioh kurup ia u droks ba shongdor haduh T. 35.19 klur.
Ki droks ba kurup ki kynthup ia 11.39 kg u methamphetamine tablet bad 218 grams u heroin.
Halor ki jingtip ba thikna, ka kynhun ki shipai Assam Rifles bad ki Pulit kila pynlong ia ka jingkhynra ha ka shnong Dungtlang ha ka miet sngi Balang bad kila ioh kurup ia kine ki droks.
Ki pulit ki iathuh ba uwei u briew ba 25 snem na sor Silchar bad arngut ki kynthei na Zotlang, Champai District kila shah kem bad la suba jur ba kine ki briew kila wanrah ia une u droks ha Myanmar.
