Guwahati, Rymphang 18 : Ka Sorkar Assam kala pyllait mynta ia ki kot mathematics bad science ha ki artylli ki ktien na ka bynta ki Meduim School.
Naduh mynta, ka jinghikai ia kine kisobjek kan long noh ha ka English bad ka ktien lajong jong ka thain. Ka thong hi ka long ban pynngew aram ia ki khynnah skul ba kin lah ban sngewthuh khambha ia ka English bad ka ktien lajong khnang ba kin lah ban shim ia kine ki sobjek ha ki kyrdan pule ba shalor.
Ha u snem bala lah, ka jingshon ia ki kot science bad maths jong ki klas 6 ka long tang ha ka ktien English, kaba lam sha ka jingud jingnam jong ki paidbah.
U Myntri ka Tnad Education Ranoj Pegu ula ong ba ka thong jong kane ka sienjam ba thymmai ka long ban iarap ia ki khynnah skul ba kin sngewthuh khambha ia ka sobjek bad kin nang kham lah pynjanai shuh shuh ia ka kren ka pule English.
