Shillong, Rymphang 09: Ka North East Indira Gandhi Regional Institute of Health and Medical Science (NEIGRIHMS) hynne ka sngi kala pynsangeh shwa iaka eksam thungkam Nursing Officer lyngba ka Nursing Officer Recruitment Common Eligibility Test (NORCET).
Ia kane ka rai la pynbna da u Director ka NEIGRIHMS u Dr. Nalin Mehta ha ka jingialang bad ka seng Hynniewtrep Youth Council (HYC) hapoh ka kamra treikam jong kane ka Hospital.
Haba pyntip ia kane, u President ka HYC Bah Roy Kupar Synrem ula iathuh baka jingpynsangeh noh iaka jingthung kam ia ki Nursing Officer lyngba ka NORCET kadei namar ka wanrah ia ka jingduhnong iaki samla trai Ri trai muluk.
Ula pyntip ba dang shen, ki la don 222 ngut ki samla kiba la thep kam Nursing Officer bad na kine, 201 ngut ki dei ki shynrang bad 21 ngut kidei ki kynthei hynrei ki don tang 14 ngut napoh Meghalaya kiba ioh kam.
Halor ka jingiohkam bun ki shynrang, u Bah Roy ula iathuh ba ka seng kala dawa ia u Director ban pynbeit thymmai ia kane ka bynta bad dawa ba dei ban thung 80% ki nos da ki kynthei bad tang 20 % ki shynrang ha NEIGRIHMS.
U pyntip b aka Seng kala dawa ia u Director ba un pynbeit ia kane bad pynthikna ka kam dei ban don ka jingthungkam ia ki nos kat bym pat lah leh eiei ia kane ka bynta.
U Bah Roy ula iathuh ba haka jingialang, ka Seng kala iakren ruh bad u Director halor ka jingaiwai pateng ne Outsourcing iaki kam bapher bapher kum ka kam Security, Ward Boy, Ward Girl, Cleaner bad kiwei kiwei.
Ula iathuh ba ka seng kala kren shai ha u Director ba ka NEIGRIHMS kadei ban ai wai shaki Agency lane ki Outsourcing Agency napoh Meghalaya ia kine ki kam ba lait hapoh ka Institute.
“Ha kane ka jingkynduh, ki la don ki mat kiba la urlong bad ki don ki mat ki bym pat urlong namar ka donkam ia ka jingmynjur na ka Ministry jong ka Sorkar Pdeng” ula ong.
Haba iadei bad ka bhah kam kyrpang, bah Roy ula ong ba ka Seng kala dawa naka NEIGRIHMS ban thung 80 percent ia ki trai jylla haki ba hap Group B Bad C bad naka liang u Director ula pyntip shaka Seng baka Hospital ka bud ia ka Office Memorandum kata ban pynrung 44 percent ia ki trai Jylla.
“Haba iadei bad ki mat kiba u Director um pat lah ban ai jingmynjur, ka HYC kan sa phah da ka shithi sha ka Ministry ka Sorkar Pdeng” ula ong.
 hynne ka sngi kala pynsangeh shwa iaka eksam thungkam Nursing Officer lyngba ka Nursing Officer Recruitment Common Eligibility Test (NORCET).){kind=link}