Shillong, Jan 31: Ka Meghalaya kala pynrem iaka Arunachal Pradesh da 180 run ha ka jingiakhun ha ka U-23 Men’s Col CK Nayudu Trophy kaba la long hynne ka sngi Balang ha MCA Ground, Shillong.
Kane ka jingjop ka Meghalaya kadei naka jingialehkai bha jong u Nongkawang bol ka Meghalaya u Abhishek Kumar uba la ioh khur 5 wiket ha ka First Innings ne ka jingialehkai ha kawat banyngkong bad 6 wiket ha ka Second Innings ne ka jingialehkai haka wat ka baar bad baroh ka jingioh wiket ka long 11 wiket bad ula ai 98 run.
Ka Meghalaya kala kamai 203 run ha ka First Innings katba ka Arunachal kala kamai 224 run.
Haba ka Meghalaya kala leit biang, u Swastic Chettri ula kamai 190 run bad ym shim la out bad kane kala iarap ban pynpoi ia ka Meghalaya ban kamai 368 run bad kala buh ia ka run kaba heh ha kaba ka Arunachal ka donkam ban kamai 340 run ban jop ia ka jingiakhun.
Hynnin ka sngi ka Arunachal kala 89 run bad hap 6 wiket ha kaba ki nongkawang bol ka Meghalaya kiba kynthup ia u Abhishek Kumar ula ioh 3 wiket, katba u Manish Sharma, u Bipin bad u Sudhir Sahani kila ioh mar 1 wiket. Hynne ka sngi pat u Abhishek ula shim biang 3 wiket bad u Manish Kumar ruh ula shim biang sa 1 wiket.
Kumba long mynta, ka Meghalaya kala jop ha baroh saw sien ki jingiakhun bad kala ioh rung sha ka semifinal, watla ka dang sah ban iakhun pyrshah sa bad ka
Nagaland kaban sdang naduh ka 4 tarik u Rymphang ha MCA Ground, Shillong.
