Shillong Kyllalyngkot 25: Ka jylla Meghalaya hynne ka sngi Palei kala rakhe iaka National Voters Day 2024 da kaba pynlong iaka jingialang ha Soso Tham Auditorium, Shillong.
Ia kane ka jingrakhe la plie da u Lat ka Jylla u Phagu Chauhan kum u Kongsan ha kaba la iadonlang u Chief Secretary ka jylla u Bah DP Wahlang, u Commissioner Secretary Art & Culture u Bah FR Kharkongor ha kaba kila pynbam ruh iaka smai jong ka National voters day ha kane ka sngi.
Ha kane ka jingrakhe, ka Tnad Election ka jylla kala kala pynkup burom ia ki nongdonbynta kiba kongsan bad ia ki nongiashimbynta haka Democracy Run.
U Lat ka jylla ula sam ruh ia ki Voters Identity Card (EPIC) sha ki khynnah samla kiba dang shu kynjoh ia ka rta ban ioh thep vote.
Ha ka por mynstep, u Chief Electoral Officer ka Meghalaya u Dr. B.D.R Tiwari rygkat bad ka Deputy Commissioner jong ka East Khasi hills District ka Kong R.M Kurbah kila kaweh iaka lama jong ka “Democracy Run” kaba la sdang na State Central Library Shillong kum shi bynta jong ka jingrakhe iaka National Voters Day.
Ka matpdeng jong ka jingrakhe iaka National Voter’s Day 2024 kadei ‘Nothing Like Voting, I Vote for Sure.’ Kadei ka jingrakhe jong ki nongthep vote bad ka jingpynpaw jong ki paidbah iaka jingsngew ka jongki bad ka jingkhmih lynti ka jongki haba ki leit iashimbynta haka jingthep vote.
Man la u snem ha ka 25 tarik u Kyllalyngkot ka ri India ka rakhe iaka National Voters’ Day, kaba dei ka sngi kaba kyrpang na ka bynta ban pynshlur ban mh shakhmayt ha ka jingiashimbynta ha ka kam ban jied ia ki nongmihkhmat lyngba ka elekshon.
Kane ka sngi ka long kaba kongsan kaba pynkynmaw ia ki nongshong shnong ha ka ri ia ka kamram ka jongki ban thep vote bad ka bynta kaba khraw na ka bynta bvan tei iaka lawei jong ka ri bad kane ka jingrakhe mynta u snem, ka long kaba shongkun bha khamtam haba ka jylla ka dang pynkhreh ia ka election bad na ka liang jongka Tnad Election kala pynlong ia ki jingialang ban pynsngewthuh ia ki paidbah ba kin leit thep vote da ka jingthmu ban kyntiew ruh iaka Percentage ne ka jingbun jong ki nongthep vote kiban iashimbynta ha ka por elekshon.
