Shillong, Kyllalyngkot 25: Ka Indian Army kala pynbna ban sdang ia ka Online Application na ka bynta ban jied ia ki Agniveer lyngba ka Agnipath Scheme naduh u Bnai Rymphang 2024.
Katei ka online registration kan sdang naduh ka taiew banyngkong jong u Rymphang bad ia kane ka jingpynrungkam kan long ha ki Ar Wat khnang ban pynthikna ba ka ruukom thep kam kan long kaba iaid beit iaid ryntih.
Ha ka Wat kaba Nyngkong: Yn pynlong iaka Online Computer Based Written Examination (Online CEE) ha kylleng ki center kiba don ha ka jylla da ka jingthmu ban khmih bniah ia ka jinglah jongki samla ha kaba iadei bad ka jingpule bad iaka jingtbit ka jong ki.
Wat ka Baar: Yn pynlong ia ka Recruitment Rally na ka bynta ki samla kiba la shah kynthup ha ka Merit List jongka Online Common Entrance Examination (CEE) kaban long ka sienjam na ka bynta ban shah jied, hadien ba kila pyndep iakaj ingshah khmih bniah iaka jinglong jingman bad kajingkoit jingkhiah ka jongki bad ban pyndep ia ki jingdonkam kiba kongsan.
Ki samla ki lah ban rejistar online ha ka Join Indian Army website www.joinindianarmy.nic.in ha kaba kin lah ban peit bniah ia ki jingtip jong ki kyndon kiba la buh ban tip la kilah ne em ban iashimbynta bad ki lah ban thaw ruh iaka Personal Profile ka jongki.
Ki samla kiba la shah pdiang iaka jingaplai ka jongki, kin shha bthah ban leit sha ka SBI Portal lyngba ka Link kaba don ha ka website ban siew iaka pisa T. 250/- bad ia katei ka jingsiew lah ruh ban siew lyngba ka Debit/Credit Card, online Banking jongka UPI.
Ki samla kiba aplai ki dei ban don iaka Email & Mobile Number kiba treikam khnang ba yn ioh ban phah ia ki jingtip na ka Indian Army bad ki samla kin ioh ban jied na ki 5 tylli ki jaka na ka bynta ban thoh ia ka eksam bad kin hap ruh ban ai ia u Aadhaar number lyngba ka online application bad la bthah ba kidei ban link ia u Aadhaar bad u mobile number u jongki.
Ban pynbiang ia ki samla ba kin praktis online ia ka CEE katkum ka kyrdan ka jongki bad la buh iaka link ha ka “Join Indian Army” website bad la bthah ruh ia ki samla ba kidei ban praktis shisien shwa ba kin ialeh shisha iaka CEE.
Nalor kane kala don ruh ka Animated videos “How to Register” & “How to Appear for online CEE” ha ka www.joinindianarmy.nic.in. Ki Helpline Numbers jongka Army Recruitment Office Shillong ki long 0364-2504177, email: [email protected] bad ki samla ki lah ban buh ia kino kino ki jingkylli ha ka www.joinindianarmy.nic.in ban ioh ia ki jingpynshai.
