Shillong, K’lyngkot 25 : Ka long ka jingsarong ia ka Jylla ba u Nongialam ka BJP bad Myntri ka Tnad Animal Husbandry ka Jylla Bah A.L.Hek, ula shah pynkup burom da ka khusnam Dadasaheb Phalke.
Ia kane ka khusnam la aiti da u Myntri Khynnah ka Social Justice Ramdas Athawale ha ka jingialang bala pynlong NDMC Auditorium, Jantar Mantar, New Delhi ha ka jingiadonlang kiba bun ki kynrem ki lyndan.
U Bah Hek ula ioh khubor kum u Myntri ka tbit tam bad nongtrei mon sngewbha bala ithuh na ka jingshakri khlem thait jong u sha ki paidbah ka Jylla bad ka jingnoh synniang sha ka Ri baroh kawei.
Ka khusnam ka la nang pynthikna ia kaei kaba ka BJP Meghalaya kala kren baroh shikatta ba u Bah Hek u dei uba biang tam na ka bynta ki paidbah ka Jylla bad ba ki nongshongshnong ki lah ban phai khmat sha u haba ki donkam ia ki jingai jingmut bad ka roi ka par ha baroh ki liang.
Haba iakren, u Bah Hek ula ong “Ka khusnam Dadasaheb Phalke ka dei ka burom kaban pynlong shuh shuh ia nga ban nang trei shitom na ka bynta ka jingmyntoi ka Jylla jong nga bad ka Ri”.
