Nongpoh, Naitung 27: Ki Pulit ka Ri-Bhoi District kila ioh kem biang sa arngut ki nongkhaii droks hynnin ka janmiet na ki thain Byrnihat bad ioh kurup haduh 120 gram u heroine.
Ki Pulit ki iathuh ba hadien ka jingioh jingtip ia ka jingdon arngut ki briew kiba rah ia u droks, kila buh ia ki jaka talasi ha Byrnihat Police Outpost bad ha ka jingtalasi, kila ioh bat ia kawei ka thuk thuk ML05-R-4704 bad ioh ban kurup ia 10 tylli ki synduk sabon ba thep ia u droks heroin ba khia kumba 120 gram bad ba shongdor kumba T. 75 lak.
Ki Pulit kila kem noh ia u nongniah bad u nongbud jong kane ka thuk thuk kiba la tip kyrteng da u Shanborlang Khongwir bad u Badapkupar Mawlong.
Ki Pulit kila pynlong ia ka jingtohkit kaba bniah kat kum ka kyndon ain jong ka NDPS Act bad kila kurup noh ia lai tylli ki mobile phone, bad kane ka thuk thuk kTM Duke 390.
Ia kine ki arngut ki briew la register case ha Byrnihat Outpost bad la pynngat ia ki hapoh ka kyndon NDPS Act. Ka jingtohkit ia kine ki briew ka dang iaid shakhmat.
