Shillong, K’lyngkot 12: Ka kynhun ki thei ialehkai U-18 ka Eastern West Khasi Hills, kala ioh khur ia ka jingjop ha ka sien ialehkai ba nyngkong jong ka lympung Meghalaya Games 2024 da ka jingpynliem ia ka East Garo Hills da 4-1 kol.
Ka jingiakhun jong ka kylla step kala iakhaid bha hapdeng kine ki ar kynhun bad ha kane ka kylla, ka jingiakhun kala kut da ka jingioh ban thep mar 1-1 kol.
Haba wan phai sha ka kylla miet, ka kynhun ka Eastern West Khasi Hills kala iakhun dohiap bad ioh ban thep biang sa 3 kol, kaba pyntam ia ka East Garo Hills haduh 4-1 kol.
Da kane ka jingjop, ka Eastern West Khasi Hills kala jam sha kawei pat ka kylla jong ka jingiakhun.
