Guwahati, K’lyngkot 07 : U Myntri ka Tnad Pule Puthi ka Assam Ranoj Pegu, ula hiar jurip ia laitylli ki skul ha sor Sivasagar ha ka sngi Saitjain bad pynlong ia ki test bapher bapher ban peitthuh ia ka jingshemphang ki Khynnah haba pyndonkam ia ki dak punctuation.
U Myntri ula shim ia kane ka sienjam kum shibynta jong ka Gunotsav 2024.
U Penu ula jurip ia ka jingtei jong ka Iingskul ba thymmai ka Sivasagar Government High School bad iakren halor ka jingpynkhreh ia ka Gunotsav bad ki nongtrei.
Ula plie paidbah ruh ia ka kamra klas ba dang shu shna thymmai ha kane ka skul.
Ha ka jingjurip ia ka skul Bezbaruah, u Myntri ula phah ia ki Khynnah ba kin pule ia ka kot Assamese haba ban jur ia ka jingkongsan ban pyndonkam bha ia ki dak punctuation ban pynjanai ia ka sap pule bad ban ioh ia ki jingtip naduh thymmei ia kawei pa kawei ka sobjek.
Kane ka sienjam bala shim lyngba ka Gunotsav ka plie lynti ban iohi hangno ka pule dangle ka Assam ka don haba ianujor bad ki snem bala leit noh, ong u Pegu.
U Myntri ula leit jngoh ruh ia ka Tai Academi kaba don ha Bokota Patsaku hashuwa ba un leit sha Dhemaji.
Ia u Pegu la synran da u Deputy Commissioner ka Sivasagar AV Yadav bad I IS Sivasagar Devajyoti Gagoi.
