Shillong, Nohprah 21: Ka Shillong Arm Fight 2023 All India Championship hynne ka sngi Palei, kala poi noh sha kaba kut bad bun ngut ki nongiakhun kti na ka thain Shatei Lam Mihngi bad na kylleng ki jaka ka ri, kila wan ban iashimbynta.
Ia kane ka jingiakhun kti la pynlong ha U Soso Tham Auditorium daka BAM bad ka TWS haka jingiatreilang bad ka People’s Armwrestling Federation India (PAFI) bala kyrshan daka tnat Sports and Youth Affairs ka Sorkar Meghalaya.
Haba kren ha kane ka sngi u Myntri Rangbah ka Jylla u Conrad K Sangma ula iai ban iaka jingshim khia ka Sorkar ban kyntiew iaka kam ialehkai.
Was even more pleased to see our Para Athletes also participating in the championship and showing their strength of might and confidence. Congratulate the organisers for making the competition a truly inclusive one.
I congratulate all the winners and the participants. As a… pic.twitter.com/bYZ4rvTdC4
— Conrad K Sangma (@SangmaConrad) December 21, 2023
“Haki san snem bala leit, ka Sorkar kala shimkhia ban kyntiew iaki kam ialehkai daka tei ia ki jaka ialehkai ha kylleng ki jaka bad kane kala pynlong iaka Jylla ban lah ha ka ban pynlong iaki jingiakop bapher bapher haka kyrdan National kum ka Grandmaster Chess Tournament kaba la kut hynnin ka sngi” ong u Conrad.
“Ka All India National Boxing Championship, All India Table Tennis Championship ki dei kiwei ki jingiakop National Level ba la pynlong ha Shillong. Ka long kaei kaei kaba tynnad ban iohi baka Meghalaya kala kylla long ka Jylla ban kyntiew iaki kam ialehkai” ula ong.
Haba kren halor ka jingshim khia ka Sorkar iaka kam ialehkai, u Conrad ula ong “Ka Sorkar ka sngew ba donkam ban kyntiew iaka kam ialehkai bad ka Arm Wrestling ruh ka don haka Map bad nga kyrmen ba haki snem ban wan kane ka jingiakop kan sa long biang.
Ula pynkynmaw ba haka por ba u dang don ha skul ula shim bynta haka Arm Wrestling bad ula iathuh ba ha School ula shah rem beit hynrei ha Delhi u ju jop beit bad kane ka pyni ba ki samla ka Jylla ki khlain shisha haka iakhun kti.
Haba pynpaw iaka jingdonsap ki samla ka Jylla u Conrad ula ong “Ki khun ka Jylla ki don lypa iaka sap bad ka bor, Ngin don ka kyrpang ka bor haba iadei bad ka Arm Wrestling bad ha kane ka jingiakhun ki samla ka Jylla ki don shisha ka lad ban phyrnai”.
Haba iadei bad ka Star Programme u Myntri Rangbah ula ong “Kumba 25,000 ngut ki samla bad khynnah kiba la tnat kala dep ban ithuh kyrpang naka bynta ban hikai pyntbit haki jait jingialehkai kaba ki don sap”.
Ula iathuh baka tnat ialehkai kala dep ban ithuh 12 ngut kita ki Super Athletes naka bynta ban shah hikai pyntbit shuh bad ula ong “Ngi la ithuh ia kine 12 ngut kiba don ka sap kaba kot bor bad ki nongiakhun haki kyrdan International hynrei ki dang donkam shuh shuh ban shah hikai pyntbit” bad ula iathuh ba ka don ka khynnah kaba 14 snem kaba lah ban tam iaka National Record haka Long Jump.
Naka liang u President ka People’s Armwrestling Federation India ka Preeti Jhangiani kala iaroh iaki nongiakhun kynthei ka Meghalaya bad kala kyntu iaki ban nang trei shitom ban poi shaka thong bad ban iakhun haka Asian Level Arm Wrestling kaab long ha India.
Haka liang ki shynrang u Dipankar Mech na Assam ula shah jop kum u Champion of Champions katba haka liang ki kynthei ka Yogesh Choudhury na Haryana kala ioh ka khusnam Champion of Champions.
Ka thup ki Nongjop:
Para Sitting (Right) Men
1. Hubert L Nonglait
2. Graham Jones Kharnabi
3. Name Nangsan Kupar K Warjri
Para Sitting (Left) Men
1. Graham Jones Kharbani
2. Wallambok L. Marbaniang
Para Standing (VI) Men
1. Johnborlang Pyngrope
2. Nihi Lamare
3. Marelad Kanai
Para Standing Men
1. Hubert Paliar
2. Banshanlang Terang
3. Maimai Laloo
Men 55 kg
1. Daniel Nongkhlaw
2. Hubert Paliar
3. Banshanlang Terang
Men 65 kg
1. Nilay Sankar (Assam)
2. Rasedul Ali (Assam)
3. Revel Bornstar Snaitang
Men 75 kg
1. Deepankar Mech
2. Jackson Lyngdoh
3. Alexion Roy Mylliem Umlong
Men 85 kg
1. Tridip Medhi
2. Alan S Marbaniang
3. Kishore Chettri
Men 85+ kg
1. Bakham Maian Khongwir
2. Banbatjuban Khongwir
3. Ishan Kashyap
Women 50 kg
1. Angelis Kharumnuid
2. Airikmen Shabong
3. Milarita Lyngdoh Nongbri
Women 55 kg
1. Bandarika Kharkongor
2. Senebi Syngkli
3. Angel Mary Mylliem Umlong
Women 60 kg
1. Wandalin Syiemiong
2. Payal Bhommick (Assam)
3. Olivia Dkhar
Women 65 kg
1. Margareth Pathaw
2. Aiboklin Rina
3. Yimri Jagoi
Women 65+ kg
1. Yogesh Choudhury
2. Soram Rani
3. Ribasuk Lyngdoh Mawphlang
Champion of Champion (Women): Yogesh Choudhury
Champion of Champion (Men): Deepankar Mech
