Nongstoin, Nohprah 19: Uwei u Khynnah ba dang 9 snem ka rta, ula jah rngai nala ka jong ka Iingsah naduh ka 4 tarik Nohprah bad haduh mynta ym shym la lapdien satia shano ba u don.
Ia kane la pyntip da u Superintendent of Police ka West Khasi Hills District, uba iathuh ba une u Khynnah u kyrteng u Durmur Thapa khun jong u Min Bhadur Thapa.
Kat kum ka jingujor u Kpa, ia u Durmur la iohi khatduh ha Joplang Higher Secondary School Shallang bad mynta ym pat ioh jingtip eiei shano ba u jah.
La ong ba u Durmus Thapa u don ia ka dur kaba shai snieh doh, u don ia ka rynieng kumba 48 inches, phong ka jacket rong grey, ka patlun lyngkot ba iong bad ki slipper rong iong bad lieh ha ka por ba ula jah.
