Shillong, Nohprah 12: Ka Khasi Students Union (KSU) Dehradun Unit, kala pynthymmai ia ki nongkitkam ki jong ka ha ka 9 tarik u Nohprah ha ka jingialang kaba la long ha Nongbah Dehradun.
Hane ka jingpynthymmai ia ki nongkitkam, la wan ban iadonlang u samla Pynkmenlang Sanmiet uba long u Education Secretary ka KSU sengkmie, u Samla Iashanborlang Mukhim uba dei u Assistant Finance Secretary, u Samla Nicholas Chyrmang uba long u Nongialam ka KSU Delhi Unit.
Ki nongkitkam ka KSU Dehradun Unit ki kynthup ia u President – John Rymbai, Vice President – Derric Kylla, General Secretary- Lasara Chynnam Suting, Assistant General Secretary – Comfirst Phyllut, Finance Secretary – Pynshngain Rynjah, Asst Finance Secretary – Banisha Shylla, Organising Secretary – Ritngen Pyngrope, Assistant Organising Secretary – Daiahunlang Shyrmang bad kiwei kiwei ki kyrdan ryngkat bad ki 25 ngut ki Executive Member.
Nalor kane, ka KSU Dehradun Unit kala pynlong ruh ia ka Freshers Meet’ ha kaba u President ka KSU Sengkmie u Samla Lambokstarwell Marngar ula long kum u Kongsan bad ka Kong Mily Rabon kuum ka Symbud Kongsan.
Ha kane ka Freshers Meet la wan iashimbynta da ki samla Khasi kiba pule ha ka Nongbah Dehradun bad la wan pynshngain lem da ki samla pule na kiwei pat ki Jylla jong ka Thain Shatei Lam Mihngi kiba kynthup ia ki samla na Mizoram, Nagaland bad kiwei kiwei.
