Shillong Nohprah 07: Ki shipai jong ka 172 Battalion, BSF Meghalaya kila iohkem ia uwei u briew bad kurup ia ka shini ba thmu ban khaïï be-aiñ shapoh ri Bangladesh hynnin ka sngi Balang na ka thaiñ khappud jongka East Jaintia Hills.
Katkum ka kyrwoh na ki BSF, kila pyntip katba ki dang pahara ha ka thaiñ khappud ha ki bynta hajan jongka Lumshnong-Sonapur kila iohbat ia kawei ka kali kaba la kit bun bah ka shini bad haba kila tohkit na u nongniah ym shym la lah ban pyni ia ki kot ki sla iaka jingthied ia kane ka shini.
Ki BSF kila kem noh ia une u nongniah bad kila kurup ia ka shini kaba kit hapoh ka kali bad kila leit ban aiti noh ha ka thana pulit ba kan leh ia kaba donkam.
Ha kawei pat ka jingkhynra, ki shipai jongka 4th Battalion, BSF Meghalaya kila ioh ban kurup ia ki muid na kwei ka khlaw kaba don ha ka shnong Rongtila, West Jaintia Hills, da ka jingthmu ban khaïï tuh ia ki sha Bangladesh.
Ki BSF kila pyntip ba ia kine ki muid kiba la ioh kurup kila aiti noh sha ka thanad pulit ba kan leh ia kaba donkam bad kila pynpaw ba kin iai bteng ban pynlong iaka jingkhynra ha ka thaiñ khappud bad ka ri Bngladesh ban tehlakam ia ki kam sniew bad ka kam khaïï be-aiñ.
