Shillong, Naiwieng 23: Ka jingshah tuh ki kali arshaka kala sdang biang ha Garo Hills bad kane kadei ka sien kaba lai ha kaba 3 tylli ki 2 shaka kila shah tuh hapoh shi bnai kata mynta u bnai Naiwieng.
Kawei ka arshaka kala shah tuh kadei na kawei ka ing haka shnong Dadenggre West Garo Hills, hashuwa kane la don ka jingshah tuh ka 2 tylli ki Bike napoh ka thain West Garo Hills bad ia kane ka pynthikna daki Pulit ka Tura.
Ha u snem bala dep bun tylli ki arshaka bad 4 tylli ki Kali Pick Up bad jan man ka taiew kan don beit ka jingshah tuh kali.
Ki arshaka kiba shah tuh ki kham dei ki Bajaj Pulsars bad ia kine la khaii tuh sha Bangladesh lyngba ka Garo Hills bad iaki kalibMahindra SUV Boleros bad Pickup la kit sha Assam bad Nagaland.
Haki bnai bala dep, ki Pulit kila kem iaka kynhun nongtuh bad la ioh jingtip ba kane ka kynhun ka din ruh sha Assam.
Iaki ba shah kem ba set ha phatok hynrei dang shen kila ioh jamin bad naka liang ki Pulit kim shym la kyntait ban tharai ba kane ka lah ban dei ka daw sa jur biang ka kam tuh.
