Nongpoh, Naiwieng 21: Ka All Khasi Hills Achik Federation (AKHAF) Ri Bhoi District ha ka 19 tarik Naiwieng ha ka sngi Ba-ar, kala ujor ejehar pyrshah ia ka Vice President jong ka seng halor ka jingkynnoh baka donkti ban ai jingbit ha ka ban pyniaid ia ki kam khalai ha kiba bun tylli ki jaka khappud da kaba shimkabu ha ka kyrteng jong ka seng.
Kane ka ejahar ka long pyrshah ia ka Ryngkhumoni Marak bad la mudui ia ka da ka President ka seng ka Serimina D Marak ha Pillangkata Police Outpost.
Ha kajuh ka por, ka AKHAF kala pyntip ruh ba kala wengkam shisyndon ia ka Ryngkhumoni naka seng namar ka jingshem ba ka pyndonkam bakla ia ka bor, kaba la pynbudnam pynban ia ka seng da ka jingai jingbit ban pyniaid ia ki kam khalai khamtam ha ka thain Iongkhuli bad Barapathar.
Ha kane ka ejehar, na ka liang ka AKHAF, ka la pyntip ruh ba ki la ioh ia ka jingtip halor kine ki jingdonkti jong ka Vice President ban lum beain ruh ia ka pisa na ki nongpyniaid ia ki kam khalai ha ka kyrteng ka seng .
