Shillong, Naiwieng 20: Ka State Election Committee (SEC) ka United Democratic Party (UDP) kala iakynduh hynne ka sngi Nyngkong bad rai ban pynlong da ka jingiaid syllok na kylleng hashuwa ban rai ia ka kyrtong u kyrtong u ban mih iakhun ia ka elekshon Lok Sabha 2024.
U Vice President ka UDP Bah Allantry F Dkhar ula ong “Ngi la sdang pyniaid ia ka kam bad kan don ka jingiasyllok shuwa na kylleng shuwa ba ngin shim ia ka rai. Ka jingiasyllok ka long ban rai ia u kyrtong uba biang eh”.
Ula iathuh ba ka jingiasyllok kan sdang noh mardor lyngba ki District President bad ki Secretary nalor ki dkhot bad ki nongkitkam ka party.
“La aipor shitaiew ia ki District President ba kin pyndep ia ka kam bad ban ai jingtip sha ka SEC” ong u Bah Allantry haba bynrap “Hadien ba ngi ioh ia ki jingai jingmut, ka SEC kan sa shong bishar khatduh bad hadien ngin sa iashong syllok bha hapoh ka Regional Democratic Alliance (RDA)”.
Hynrei u Bah Allan ula kyntait ban iathuh ia ka kyrteng jong ki briew bala pan ticket na ka Shillong Seat bad ong “Ki don saw ngut kiba la pynpaw ia ka jingkwah ban iakhun n aka party hynrei ngim pat pynpaw satia ia ka kyrteng namar ka long kaba kongsan ban buhrieh shuwa ia ka kyrteng tad haduh ba ngin da ioh ia ki jingai jingmut”.
Lah ban kdew hangne, ki don lai tylli ki kyrteng kiba la paw ba ki kwah ban iakhun ia ka elekshon Lok Sabha na ka UDP bad kine ki dei u MLA barim ka Mawlai Bah PT Sawkmie, u President barim ka HYC Bah Robertjune Kharjahrin uba la wan pyniasoh dang shen sha ka UDP bad u President ka Khasi Author Society (KAS) Dr DRL Nonglait u ban sa pyniasoh shen sha kane ka seng riewlum.
 ka United Democratic Party (UDP) kala iakynduh hynne ka sngi Nyngkong bad rai ban pynlong da ka jingiaid syllok na kylleng hashuwa ban rai ia ka kyrtong u kyrtong u ban mih iakhun ia ka elekshon Lok Sabha 2024.){kind=link}