Imphal, Nailur 21: Ka jingïap na ka jinghiar thma ki kaikhlaw ha ka 13 tarik Nailur ha Noney district, ka la kiew sha ka lai ngut, hadien ba ka Nei Esther Gangte, kaba 21 snem ka rta, ka la khlad noh na ka jingmynsaw ba shei kuli ha District Hospital ha Churachandpur ha ka sngi u Blei.
Ka Gangte kadei ka khun jong u Th. U Moia Gangte bad u Chongneijol Gangte, ki ba la don hapdeng ka jingshah sumar mynta lah shi taiew hadien ba ki la mynsaw na ka jingshah thombor ha ka shnong Longpi kaba hap hapoh Nungba Police Station.
Ka Gangte ka la khlad noh ha ka 20 tarik u Nailur, hynniew sngi hadien ka jingshah thombor.
Ha katei ka jingshah thombor ki don ar ngut kiwei pat ki para shnong kiba la tip kyrteng kum u Thangvel Gangte bad ka Julie Singson. Ki sengbhalang ki la ong ba ka Singson ka la pun khun kumba ar bnai eiei ha ka por ba ka khlad noh.
