Nongstoin, Naiwieng 20: Ka Hynniewtrep Youth Council (HYC) Mawshynrut Circle, kala dawa ia ka Sorkar Jylla ba kan thung noh ia u SDO ba pura jong ka MePDCL ha Mawshynrut Division nalor ban plie noh ia ki Sub Station ha Umsohpieng bad ha Shallang.
Ia kane ka jingdawa la buh da ka HYC lyngba ka dorkhas kaba la aiti sha u Myntri ka Tnad bording ka Jylla AT Mondal ha ka jingiakynduh hynne ka sngi Nyngkong.
La pyntip ba u Myntri ryngkat u Director ka MePDCL kila ai ka jingkular ba kin sa shimkhia mardor halor kine ki mat dawa bala buh hakhmat da kane ka seng.
Ha kajuh ka por, ka HYC kala dawa ruh ban buh kham bun ki lightmen bad master rool ban trei ha ki lain bapher bapher kiba don ha ka thain Mawshynrut haba pyntip ruh ba don saw tylli ki Shnong ba kynthup ia ka Nongmisei, Nongkabur, Nongumkap bad Porthnang, ki kwah ban tan ia ka bording electrik jong ki na ka line Nongjri Mapaier Nongmisei haduh Nongumkhap kiba hap ha ka Mawshynrut MePDCL Division.
Ia mynta kine ki 4 shnong ki tan ia ka bording electrik na ka line Mawdiang kaba jngai bad ki hap iaid shaduh Noval Dibra kaba hap ha South Garo Hills district ban leit siew bills bording electrik ne leit donkam haba iadei bad ka bording electrik.
Nalor kine, ka HYC kala dawa ruh ban thung ia u Assisstant Executive Engineer ba pura hapoh MePDCL hapoh Mawshynrut Division haba kyntu ruh ba ka MePDCL ka dei ban shimkhia haba don kano kano ka jingduh ki transformer hapoh ka thain khnang ba ki paidbah kin ym duh bording.
Ka HYC-Mawshynrut kala ai khublei ia u u MLA ba donburom ba u lah shim khia ban ialam ia u Minister ban peit bad khmih ia ki jingdonkam jong ka dong ka thain haba kyntu ruh ia u MLA ba un budien ia kine ki mat jingdawa jong ngi ka seng.
 Mawshynrut Circle, kala dawa ia ka Sorkar Jylla ba kan thung noh ia u SDO ba pura jong ka MePDCL ha Mawshynrut Division nalor ban plie noh ia ki Sub Station ha Umsohpieng bad ha Shallang.){kind=link}