Shillong, Naiwieng 18: U Myntri ka Tnat Tourism u Bah Paul Lyngdoh ula pyntip ba un sa lum jingtip haba iadei bad ka jingduh nong kiba buh dukan ha Madan Kurkalang Ri-bhoi district naka bynta ka Shillong Cherry Blossom Festival 2023.
Haba kren shaki lad pathai khubor u Bah Paul ula ong “Kane ka Tamasa kam dei ba pynlong daka Sorkar hynrei kadei ka shu ia snohkti lang bad ka Rockski daka shu iarap pisa hynrei watla kata ka tnat kan sa lum jingtip ba kham bniah ban tip haduh katno ki ba buh dukan ki duh nong namar ka jingsangeh kynsan iaka Tamasa”.
“Namar bala mih ka jingkynnoh ba don ki duna, ka tnat hadien bala ioh iaka kaiphod kan sa pynthikna ba kum kita ki jingduna kin nym don shuh” la ong u Bah Paul.
U Bah Paul ula iathuh ba ka tamasa kan iaid beit haka arsngi bad namar ki nongtem ki dang bun, iaki kynta jong ka tamasa ruh yn sa nang pynjlan.
