Shillong , Naitung 23: Ki pulit hynnin ka sngi thohdieng, kila iohkem ia uwei u rangbah ba 42 snem ka rta halor ka jingsuba donkti haba iadei bad ka jingiap jong kawei ka longkmie, ba la lap ia ka met na ka shnong Umtyra, East Jaintia Hills District.
U Additional SP ka East Jaintia Hills ula iathuh ba une u briew u kyrteng u Bah Hedstar Dohtdong uba na ka shnong Pyrda, West Khasi Hills District.
La ioh kem ia une u briew da ka jingiatreilang hapdeng ki pulit jongka Byrnihat police station bad ki pulit Assam bad la iohkem ia u hapoh 24 kynta halor ka jingioh ia ki sabut kiba paka.
Une u heh pulit u iathuh ba kane ka longkmie kaba la khlad noh ka dei kaba la tip kum ka Grecia Bareh kaba na Dkhiah East bad kadei kaba donlang bad une u rangbah uba la shah kem, ha ka miet shwa ban lap iaka metiap jongka.
La lap iaka metiap jong ka Grecia kaba la ieh lyngkrang ha ka Nala harud surok ha ka jaka kaba la tip kum ka Um-Im, ha shnong Umtyra ha ka 19 tarik u Naitung.
Ki pulit kila register case ia katei ka jingjia ha Khliehriat Women Police Station
U Addl SP ula ong, nalor kane, hadien ba la iohpdiang iaka jingujor ejahar, kj pulit kila pyniaid shakhmat iaka jingtohkit bad kin sa pynngat kyndon shuh shuh ia une u briew kat kum ka jingshem ka post mortem.
