Guwahati, Naiwieng 09 : Ki Nongshongshnong ka Dhekiajuli, kaba hap hapoh ka Sonitpur District, Assam, kila bom shnong ia arngut ki samla ha ka miet sngi Balang namar ka jingdawa pisa na ki trai shnong da kaba pyndonkam ia ka kyrteng jong ka ULFA(I).
Kat kum ka khubor, kine ki arngut kila dawa pisa haduh T. 7 lak na uwei u trai shnong ba kyrteng u Dalong Mampha. Kine ki briew kila shoh ruh ia u Mampha bad byrngem byrsit ia u ryngkat ka pynap pistol.
U Mampha uba sah ha ka thain Panbari jong ka Dhekiajuli, ula shah dawa T. 7 lak ha kine ki briew namar ba um lah ban siew, ula shah shoh ha kine.
Kine ki arngut ki kyrtong u Baloram Basumatary bad u Jajijya Narxary, kiba kam ialade ba ki don ka jingiadei bad ka ULFA(I).
U Basumatary u dei uba sah ha Dhekiajuli katba u Narzary u dei uba na Kokrajhar.
La iathuh ba ki paidbhur kila ioh bat ia kine ki briew katba ki dang dawa pisa bad mar kumta hi kila shah bomshnong hashuwa ban aiti sha ki Pulit.
Ki pulit kila shimti noh ia kine ki arngut bad kurup ruh ia ka pisa ba kila pyndonkam ha ka jingbyrngem byrsit.
