Shillong, Naiwieng 07: Kum shi bynta jong ka jingrakhe ia ka Foundation Day kaba 74 jongka Bharat Scouts and Guides, hynne ka sngi la pynlong iaka Rajya Puraskar Rally ha Raj Bhavan, Shillong ha kaba u Lat ka jylla u Phagu Chauhan, uba long u Patron jongka Meghalaya Bharat Scouts and Guides ula sam ia ka khusnam Rajya Puraskar.
U Lat ka jylla ula sam ia ka khusnam Rajya Puraskar ne Governors Award sha ki 84 ngut ki Scouts, 9 ngut ki Rovers, 76 ngut ki Guides bad 9 ngut ki Rangers ha kaba la iadonlang u Chief Secretary ka jylla u Bah D.P. Wahlang, u Secretary jongu Governor u Dr. B. D. R Tiwari bad kiwei kiwei.
Nalor kane la pynkup burom ruh ia ki 7 ngut ki Leaders kiba kynthup ia ki 5 ngut ki shynrang bad 2 ngut ki kynthei kiba la pyndep ia ka Himalayan Wood Badge Course.
Haba kren ha kane ka jingialang, u Lat ka jylla ula iaroh ia baroh ki Scouts bad Guides kiba la pyndep ban ioh ia ka khusnam Rajya Puraskar bad ula ong ba ka jingrakhe iaka Foundation Day ka long kum ka jingpynkynmaw ia ka jingiohi jngai jong ki nongseng, kiba ai jingithuh ia ka jingkongsan ki Scout bad ki Guides ha kaban pynwandur iaka jingim jong ki samla.
U Lat ula kyntu ia ki Scouts bad ki Guides ba kin iengskhem ban bat iaka jingkular halor ki nongrim kaba ieng ka Bharat Scouts & Guides bad ban shim ia ka bynta ban kyntiew iaka roi ka par jong ki samla bad ban pynthikna ba kan don ka lawei kaba phyrnai iaka ri.
Ula ong, ba ka sorkar ka pynthikna ban kyntiew iaka kam kaba iadei abd ki Scoiuts & Guides ha ka jylla.
Katba u Bah D.P Wahlang ula iaroh iaka jingtrei shitom ki scouts bad guides, ka jingieng skhem ha ka nongrim bad kaj ingtrei shitom ka jongki haduh ban ban pyndep ban ioh pdiang iaka khusnam Rajya Puraskar.
U Lat ka jylla ula pyllait paidbah iaka Foundation Flag bad kaei kaba ioh na ka jingdie yn sa phah sha ka National Headquarters jongka Bharat Scouts and Guides khnang ba yn lah ban pyndonkam na ka bynta ban iarap sha ki duk ki suk kiba don ha kylleng jong kane ka ri.
Pule lang ia kane: Pynkhreh ka Rangdajied FC ban iakhun biang ha ka I-Leaque ka AIFF
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
