Shillong, Risaw 30: Ka kynhun kaba kynthup ia 14 ngut ki nongpathai khubor na Maharashtra hynne ka sngi Nyngkong, kila leit jngoh iaka shnong Mawlynnong, kaba long kawei na ki shnong kaba khuid tam hapoh ka dewbah Asia bad kane ka kynhun kala iaroh ia ka kolshor bad iaka rukom im ki paidbah ka Meghalaya kaba iaid ryngkat bad ka mei mariang.
Katei ka kynhun kala leit ruh ban jurip iaka Shnongpdeng bad ban ioh lehkmen harud jong ka Wah Umngot.
Ki nongthoh khubor na kylleng ki bynta jong ka Maharashtra kila wan ban jngoh iaka jylla Meghalaya bad Assam naduh ka 29 tarik u Risaw haduh ka 4 tarik u Naiwieng 2023 kaba dei shi bynta jong ka Media Tour kaba la pynlong da ka Press Information Bureau, Maharashtra – Goa, Ministry of Information and Broadcasting, Government of India.
Kitei ki nongpathai khubor kila wan poi ha ka sngi u Blei ha nongbah Guwahati ha kaba la pdiang sngewbha ruh ia ki.
Ha kine ki sngi ban wan, ki nongpathai khubor kin leit jngoh bad iakynduh ia ki kynhun bapher bad ia ki riewpawkhmat jong ka jylla Assam bad Meghalaya.
Ki kynhun kaba kin leit iakynduh ki kynthup ia ka Assam Rifles, North East Council, Khasi Hills Autonomous District Council, Assam Police, Tourism Department, AIIMS -Guwahati, IIT-Guwahati bad kiwei kiwei bad kin sa iakren ruhbad ki lad pathai khubor kiba don ha ka thaiñ.
Kane ka Media Tour kadei ka rynsan kaba plielad ban sngewthuh ia ki sienjam kiba la shim da ka sorkar jylla Meghalaya bad Assam bad kadei ruh ka lad ba ki nongpathai khubor kin sngewthuh shaphang ka jingriewspah ka kolshor, ka riti ka dustur tynrai jong ka thaiñ.
Lyngba ka jingiakren, ki nongpathai khubor kin ioh ia ka jingshemphang halor kajinglong jingman jong ki nongshong shnong, ka ioh ka kot, ka roi ka par bad ka jinglong ha kaba iadei bad ka kam saiñ hima sima bad ki kam pynroi kiba la pyntreikam da ka sorkar jylla.
Ia kane ka Media Tour la pynlong hapoh ka jingialam jongka Jaydevi Pujari Swami, Deputy Director, PIB Mumbai ha ryngkat ka jingkyrshan jongka PIB Shillong, PIB Guwahati bad DDK Shillong.
Pule lang ia kane: Weng noh ka Sorkar ia ka jingpyrrkhing African Swine Flu na 3 ki farm ri sniang
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai
