Shillong Risaw 25: Ka Meghalaya kala mad biang iaka jingrem haka jingiakhun iaka Syed Mushtaq Ali Trophy 2023 T20 Tournament bad hynne ka sngi Balang kala shah pynrem haka Haryana da 5 wiket ha ka jingiakhun kaba la long ha Jaipur.
Ka Meghalaya kala kamai 94 bad hap lut ki nongtied ha ka 19.1 Over katba ka Haryana kala pyndep ia kane ka jingiakhun da kaba kamai 96 run haka 16.3 Over bad hap 5 wiket.
U Nahul Verma jong ka Meghalaya ula kamai 43 run katba u Riboklang Hynniewta ula kamai 19 run.
Ha ka jingleit ban kawang bol, u Rajesh Bishnoi jong ka Meghalaya ula ioh 2 wiket bad ai 13 run, u Chengkam Sangma ula ioh 1 wiket bad ai 17 run bad u Akash Kumar Choudhary ula ioh 1 wiket bad ai 18 run.
Ka Meghalaya kan iakhun khatduh pyrshah ia ka Baroda ha ka sngi Thohdieng.
Ha kawei pat ka liang, ha ka Sngi Baar, ka Meghalaya kala shah pynrem haka Bengal da 8 wiket haka jingiakhun ha ka Senior Women’s T20 Trophy.
Ka Meghalaya kaba la tied nyngkong kala kamai tang 43 run bad hap 7 wiket haka 20 over, ka Rubi Chettri kala kami 12 run khlem Out bad ka Luiza Tamang tuh kala kamai 12 run.
Ka Rebeldalis Syiemlieh bad ka Ajima Sangma kila ioh mar shi wiket katba ki nongialehkai ka Bengla kila pyndep iakaj ingiakhun ha ka 7.5 over.
