Shillong, Risaw 21: Ki shipai BSF kum ka jingbteng ha ka jingpyrshang ban wanrah iaka jingiadei kaba sngewtynnad bad ki paidbah kiba sah ha thaiñ khappud, ha ka sngi Thohdieng kila pynlong ia ka Civic Action Programme Border Outpost Dipulipara, South Garo Hills bad kila sam 35 tylli ki saikil sha ki khynnah pule.
Ha katei ka prokram u Commandant jongka 181 Bn BSF u Mayank Dwivedi ula sam ia ki 35 tylli ki saikil sha ki 35 ngut ki khynnah pule da ka jingthmu ban pynsuk ia ki ha ka leit ka wan khamtam ban leitsha kiskul jongki.
Ki nongialam shnong, ki nongshongshnong jong ka Dumnikura, Namchapara, Sibbari, Bangankona, Nilwagiri bad kiwei kiwei kishnong kila wan ban iashimbynta lang ha katei ka prokram.
Ki nongshong shnong bad ki nonghikai kila pynpaw ia ka jingsngewnguh ia ka BSF kaba la shim ia kane ka sienjam kaba bha ha kaban ai jingiarapia ki khynnah pule ka thaiñ khappud.
