Nongpoh, 21 Risaw: Ki nongialam ka Federation of Khasi Jaintia & Garo People (FKJGP) North Khasi Hills District, mynta ka sngi ki la hiar sha shnong Patharkhmah ban pynthymmai ia ki nongkitkam ba pura ka FKJGP na bynta ka samoi treikam 2023 haduh u 2026.
Ki heh nongïalam ka FKJGP, NKHD ki kynthup ia u Bah Luistar Lyngdoh, President, u Bah Shanlang Diengdoh, General Secretary, u Bah Lumlang Mawnai, Senior Vice President, u Bah Gabriel Sun, Education Secretary lem bad kiwei.
Ia katei ka kam ban pynthymmai ia ki nongialam ka FKJGP Western Zone, la pynlong ha Dorbar Hall Western Ri Bhoi, ha kaba la sakhi ruh da ka jingdon ki nongialam ka KSU, RBYF lem bad shibun ki riew rangbah na katei ka thaiñ.
Ki nongïalam ka FKJGP Western Zone, kiba la shah pynskhem ha katei ka sngi ki kynthup ia u Bah Centrewell Doloi kum u President, u Bah Brison Pohshna kum u General Secretary, u Bah Alfred Lyngdoh kum u Vice-president lem bad kiwei de ki nongialam ka FKJGP Western Zone.
 North Khasi Hills District, mynta ka sngi ki la hiar sha shnong Patharkhmah ban pynthymmai ia ki nongkitkam ba pura ka FKJGP na bynta ka samoi treikam 2023 haduh u 2026.){kind=link}