Itanagar, Risaw 19: Haba pyntreikam ia ki kyndon jong ka National Tiger Conservation Authority (NTCA), ka Sorkar Arunachal Pradesh ha ka sngi Balang, kala mynjur ban thaw noh da ka Special Tiger Protection Foce (STPF) ki ban iada ia ki khla ha ki lai tylli ki Tiger Reserve jong ka Jylla.
Kine ki Tiger Reserve ki kynthup ia kawei ka Namdapha, ha Pakke bad Kamlang. La pyntip ba ka Sorkar kan sa thungkam haduh 336 ngut ki briew ki ban don ha kane ka STPF.
“Ka STPF kan dei ka kunhun ba kyrpang ka ban khmih beit thik ia ki kam ban ai jingiada ia ki khla ha kine ki reserve. Kane ka kynhun kan kynthup ia112 ki briew ha man ki lai tylli ki Tigr reserve bad kawei ka pyrton kan dei kaba la phiah ha ki lai platoon ba 18 ngut” ong ka khubor na ka Sorkar.
Ki kynhun iada mariang kila pdiang ia kane ka rai bad pynpaw pat iaka jingsngewkhia halor ka jingnang hiar ka jingdon jong ki khla ha Arunachal Pradesh.
Ka STPF kan ai jingiada ia ki khla bad ka jaka shong jaka sah jong ki na ka jingleh dusmon jong ki briew.
Kat kum ka National Tiger Census 2022, ka Arunachal Pradesh ka don satang khyndai tylli ki khlaw ha kine ki lai tylli ki reserve, kaba hiar haduh 20 tylli ki khlaw na ka cencus u snem 2018.
, ka Sorkar Arunachal Pradesh ha ka sngi Balang, kala mynjur ban thaw noh da ka Special Tiger Protection Foce (STPF) ki ban iada ia ki khla ha ki lai tylli ki Tiger Reserve jong ka Jylla.){kind=link}